Heitast í Feb:
Engin færslaNýjasta greinin:
Besta vírusvörnin: Ágúst 2010Nýjasti kóðinn:
Athugasemdir:
alexander: frábært
...
solveig: hvar fæst þessi og á...
Gaui: Samhryggist!...
Gaui: Hahahaha djöfull er gaman að...
Ég les:
Deila á FacebookUmferðarstofa - Draumórar?
Skrifað mánud. 18. september 2006 - 22:15
Það hefur verið mikið í umræðunni upp á síðkastið með þessi dauðaslys. Nú á þessu ári hafa 19 látist í umferðinni og er það einmitt 19 of mikið, og ætla ég rétt að vona að sú tala standi í stað það sem eftir er af þessu ári.
Það er verið að tala um að setja hraðatakmarkara í alla bíla á Íslandi, eða það er allavega draumur Umferðarstofu. Ég horfði á Kastljósið áðan, þar sem Einar Magnús Magnússon, upplýsingafulltrúi Umferðarstofu, taldi það skynsamlegast, skv. hugmyndum Umferðarstofu, að setja hraðatakmarkara í alla bíla á Íslandi, svo þeir komist ekki yfir ákveðinn hraða til þess að komast til móts við það sem þau kalla "ofsaakstur".
Benedikt Eyjólfsson, framkvæmdastjóri Bílabúðar Benna, taldi þetta engan veginn vera raunhæfa leið, þar sem fyrst og fremst, eins og hann sagði í viðtalinu, að þetta yrði t.d. allt of dýr tilraunastarfsemi. Hann sagði að þetta myndi kosta í kringum 10-20 milljarða, eða svipað og eytt var í vegakerfi á Íslandi í fyrra. Hann sagði þetta vera óraunhæfa leið til þess að komast til móts við vandann, í stað þess vill hann að við lögum gatnakerfið á Íslandi. Einnig stakk hann upp á því að fjórfalda helstu göturnar og setja hámarkshraða í 120-130, eins og tíðkast í öðrum Evrópulöndum. Einnig nefndi hann að það þyrfti að koma á laggirnar akstursíþróttasvæði.
Persónulega finnst mér vitleysa að setja þessa hraðatakmarkara í bíla. Hvers vegna? Jú, segjum að það yrði settur hraðatakmarkari í alla bíla á Íslandi, og takmörkunin yrði sett í 120 km. hraða. Úti á landi tíðkast mikið að fólk keyri hraðar en 90, keyri þá jafnvel á 100-110. Það gengur ekki að taka fram úr bíl á 120 km. hraða, þegar viðkomandi bíll er á svipuðum hraða. Það skapar bara aukna hættu í umferðinni. Þetta er allt annað með þessa vöru- og hópferðabíla, þar sem þeir stunda ekki að taka fram úr öðrum bílum. Þeir keyra bara rólega á 90, og eru það enn frekar fólksbílar sem taka fram úr þeim. Ég er þess vegna algjörlega sammála Benedikt með það að fyrst og fremst þurfum við að taka til í gatnakerfinu á Íslandi, áður en við komum með svona draumóra um að setja hraðatakmarkanir í alla bíla hér á landi.
Ég held því miður ekki að hraðakstur/spyrnur á götum Íslands muni hætta ef sett yrði upp æfingaakstursbraut, þó ég telji að það muni minnka til muna. En ef við myndum laga vegakerfi Íslands, breikka vegi landsins, þ.e. fjórfalda hina og þessa vegi og taka til í gatnakerfinu, setja upp akstursbraut fyrir fólk til að leika sér, efla umferðareftirlit, stuðla gegn ölvunarakstri, o.s.frv. tel ég að þetta vandamál sé úr sögunni. Þá meina ég ekki að "ofsaaksturinn" sé úr sögunni, heldur þessi dauðaslys.
Taka verður með í reikninginn að talið er að einungis 2 dauðaslys í fyrra hafi verið vegna ofsaaksturs. Hvað segir það okkur? Er það ekki bara það að hin 17 voru vegna annara ástæðna? Því miður er þessi "ofsaakstur" ekki helsti vandinn, heldur er það fyrst og fremst vegakerfið á Íslandi.
Hvað finnst ykkur annars?
Það er verið að tala um að setja hraðatakmarkara í alla bíla á Íslandi, eða það er allavega draumur Umferðarstofu. Ég horfði á Kastljósið áðan, þar sem Einar Magnús Magnússon, upplýsingafulltrúi Umferðarstofu, taldi það skynsamlegast, skv. hugmyndum Umferðarstofu, að setja hraðatakmarkara í alla bíla á Íslandi, svo þeir komist ekki yfir ákveðinn hraða til þess að komast til móts við það sem þau kalla "ofsaakstur".
Benedikt Eyjólfsson, framkvæmdastjóri Bílabúðar Benna, taldi þetta engan veginn vera raunhæfa leið, þar sem fyrst og fremst, eins og hann sagði í viðtalinu, að þetta yrði t.d. allt of dýr tilraunastarfsemi. Hann sagði að þetta myndi kosta í kringum 10-20 milljarða, eða svipað og eytt var í vegakerfi á Íslandi í fyrra. Hann sagði þetta vera óraunhæfa leið til þess að komast til móts við vandann, í stað þess vill hann að við lögum gatnakerfið á Íslandi. Einnig stakk hann upp á því að fjórfalda helstu göturnar og setja hámarkshraða í 120-130, eins og tíðkast í öðrum Evrópulöndum. Einnig nefndi hann að það þyrfti að koma á laggirnar akstursíþróttasvæði.
Persónulega finnst mér vitleysa að setja þessa hraðatakmarkara í bíla. Hvers vegna? Jú, segjum að það yrði settur hraðatakmarkari í alla bíla á Íslandi, og takmörkunin yrði sett í 120 km. hraða. Úti á landi tíðkast mikið að fólk keyri hraðar en 90, keyri þá jafnvel á 100-110. Það gengur ekki að taka fram úr bíl á 120 km. hraða, þegar viðkomandi bíll er á svipuðum hraða. Það skapar bara aukna hættu í umferðinni. Þetta er allt annað með þessa vöru- og hópferðabíla, þar sem þeir stunda ekki að taka fram úr öðrum bílum. Þeir keyra bara rólega á 90, og eru það enn frekar fólksbílar sem taka fram úr þeim. Ég er þess vegna algjörlega sammála Benedikt með það að fyrst og fremst þurfum við að taka til í gatnakerfinu á Íslandi, áður en við komum með svona draumóra um að setja hraðatakmarkanir í alla bíla hér á landi.
Ég held því miður ekki að hraðakstur/spyrnur á götum Íslands muni hætta ef sett yrði upp æfingaakstursbraut, þó ég telji að það muni minnka til muna. En ef við myndum laga vegakerfi Íslands, breikka vegi landsins, þ.e. fjórfalda hina og þessa vegi og taka til í gatnakerfinu, setja upp akstursbraut fyrir fólk til að leika sér, efla umferðareftirlit, stuðla gegn ölvunarakstri, o.s.frv. tel ég að þetta vandamál sé úr sögunni. Þá meina ég ekki að "ofsaaksturinn" sé úr sögunni, heldur þessi dauðaslys.
Taka verður með í reikninginn að talið er að einungis 2 dauðaslys í fyrra hafi verið vegna ofsaaksturs. Hvað segir það okkur? Er það ekki bara það að hin 17 voru vegna annara ástæðna? Því miður er þessi "ofsaakstur" ekki helsti vandinn, heldur er það fyrst og fremst vegakerfið á Íslandi.
Hvað finnst ykkur annars?
Athugasemdir (