Deila á Facebook
« Felgukaup? | Aðalsíða | Misútreikningur »

Helgin 6. - 7. október
Skrifað mánud. 9. október 2006 - 02:32
athugasemdir skrifaðar - toppur / botn
Jæja, þá er enn önnur helgin liðin. Þessi helgi var nú bara fín að mestu leyti, þó það hafi verið smá vesen að fá alla með sér niður í bæ, en það var svo sem allt í lagi.

Á föstudaginn fórum við auðvitað í bæinn. Ég var búinn að vera að segja alla vikuna að ég ætlaði ekki að drekka á föstudaginn, en svo á föstudaginn breyttist það allt í einu. Ég veit ekki alveg af hverju.

Ég tók mig bara til, fór í sturtu og svona og fór heim til Grétars. Þar var helling af fólki; Ég, Grétar, Helgi, Jökull, Jói, Raggi, Jónas, Oddur, Agnes, Hildur og Kelli. Ég setti bara bjórinn minn inn í ísskáp þegar ég kom og fór inn í stofu, þar sem allt fólkið var saman komið að spila á gítar og syngja. Ég fór aðeins niður, þar sem Oddur var bara í tölvunni. Við fórum smávegis í Counter-Strike og rústaði ég honum. Svo fórum við aðeins í FlatOut2, þar sem við vorum mjög jafnir.

Svo fórum við bara upp til fólksins og héldum áfram að drekka og syngja. Sumir drukku of mikið og þurftu að fara í labbitúr til að láta renna af sér. Sniðugt að gera það þegar maður er búinn að drekka of mikið. Fá sér aðeins ferskt loft og göngutúr, ásamt því að drekka vatn.

Svo þegar klukkan var að slá 3, langaði okkur Grétari niður í bæ, þar sem klukkan var allt of margt. Það var eitthvað vesen að redda Jóa fari, þar sem við vorum of margir, þannig ég prófaði að hringja í Dofra. Kallinn var nú bara að taka það rólega edrú þetta kvöld, þannig hann var til í að sækja okkur. Hvar væri ég án þessarar elsku? Takk æðislega fyrir farið, Dofri!

Þegar við vorum komnir niður í bæ fóru ég, Grétar og Oddur bara á Sólon. Það var mjög mikið stuð þar. Ég hitti helling af fólki, þ.á.m. Marra, Tinnu, Júlla, ofl. Við vorum bara eitthvað tveir að dansa, þ.e. ég og Júlli. Svo fórum við á barinn og fengum okkur vatn, þar sem við vorum bara orðnir góðir. Svo sátum við heillengi þarna, spjölluðum og horfðum á kvenfólkið dansa.

Svo þegar það lokaði, fór ég til Gumma og bað hann um að skutla mér heim. Kallinn var auðvitað til í það, þannig ég beið bara eftir honum fyrir utan Sólon. Ég rölti aðeins á Hlöllavagninn, þar sem ég hitti Vigga, Lobba og Tona. Þeir voru geðveikt hressir. Svo hringdi ég í Gumma og spurði hvar hann væri, og þá sagðist hann bara vera á Sólon, þannig ég rölti bara aftur þangað og beið eftir honum þar fyrir utan. Svo stuttu seinna kom hann á bílnum fyrir utan og ég fór inn í bíl hjá honum. Svo skutlaði hann mér heim. Takk æðislega fyrir farið, elskan mín.

Svo á laugardaginn var ég einn heima, þannig ég bauð nokkrum vinum mínum yfir í smá chill. Þeir sem komu voru: Grétar, Jói, Jónas, Herdís, Karen, Sigrún, Alexia, Vigdís og Maríanna. Svo bauð ég Helga, Gumma og þeim, en þeir voru bara heima hjá Rikka að horfa á landsleikinn (Lettland - Ísland), sem fór 4-0 fyrir Lettlandi. Lélegt! En svo kom Magga, vinkona hennar og einhverjir 3 strákar. Mér leist ekkert á þessa stráka, en ok...

Við settumst bara inn í sólstofu, drukkum og sungum. Geðveikt gaman! Svo kom Jökull, en hann kom ekkert inn. Hann kom bara að ná í Jóa og svo fóru þeir til Rikka. Svo þegar við vorum búin að drekka geðveikt mikið fórum við bara niður í bæ. Vigdís var á bíl, þannig við ég og Grétar fengum bara far með henni. Jónas kallinn var eitthvað slappur, þannig hann fór bara heim.

Á leiðinni niður í bæ heyri ég eitthvað hljóð og við öll lítum við og þá var Grétar búinn að æla út um allan bíl! Shit! Ég bjóst engan veginn við þessu, þar sem hann var ekki einu sinni það fullur. En allavega, bíllinn var allur út í ælu. Ég segi Vigdís að stoppa út í kannti og gerir hún það. Grétar heldur eitthvað fyrir munninn á sér og skammast sín geðveikt! Hann stekkur út og liggur eitthvað á hnjánum í grasinu og reynir að æla meira. Ég reyni að sannfæra Vigdísi, eiganda bílsins, um að Grétar myndi sko sótthreinsa bílinn hennar, en hún var ekkert að trúa því. Grétar kom svo og sagði að hann skyldi þrífa bílinn hennar. Allt í lagi með það. Svo segist hann bara redda sér sjálfur heim og labbar eitthvað í burtu. Svo sendir hann mér sms þar sem hann segir "sry" og segir að pabbi sinn sé að koma að ná í sig. Djöfull var ég hissa og mjög hneykslaður yfir þessu. Ég samt vorkenni honum geðveikt núna, æji greyið.

Svo fórum við bara niður í bæ. Ég reddaði Alexiu inn en Vigdís reddaði sér sjálfri inn. Hún þekkti einhvern, en þegar ég ætlaði að reyna að redda Maríönnu inn, þá öskraði Benni á mig: "Þú kemur alltaf inn í VIP hverja helgi og tekur alltaf nokkra með þér. Ekki í þetta skiptið!". Hehehe, þessi gaur er alveg ótrúlega fúll alltaf hreint. Greyið. Ég og Alexia fórum þá bara inn.

Við fórum bara upp að dansa. Svo fórum við niður á klósettið og í röðina þar. Þá kom einhver stelpa, sem er með mér í Live2Cruize bílaklúbbnum og bað mig um að setja upp pósið mitt fræga. Ég skildi ekkert hvað hún var að meina með því og spurði hana hvað hún meinti eiginlega, og þá sagði hún mér að setja upp zoolanderinn. Hahaha, svo sendi hún myndina inn á Live2Cruize spjallið áðan. Þetta var nú ekki góður zoolander hjá mér, þar sem hann var algjörlega misheppnaður. Ég ætti nú að geta gert betur en þetta...

Ég með ömurlegasta zoolander pós í heimi


Svo eftir að Sólon lokaði fórum við bara heim. Jökull var á bíl, þannig hann skutlaði öllum heim. Við stoppuðum samt á Subway til að fá okkur að borða. Við þurftum auðvitað að lenda í strákunum sem Ívar og Grétar voru með bögg við á bjórkvöldinu. Ég hata svona vesen! Við vorum 4 og þeir voru svona 10. Ég róaði gaurinn niður og gerði vinum hans grein fyrir því að það vorum ekki við sem þeim langaði að lemja. Þeir voru tregir að fatta það, en að lokum tókst það. Þeim langaði nefnilega að lemja "feita gaurinn" eins og hann kallaði hann, ss. Grétar, og Ívar. Vá hvað ég er feginn að þeir voru ekki með okkur þarna.

Það endaði auðvitað með því að gaurinn kom alveg upp að Helga og ýtti honum geðveikt fast. Helgi gerði ekki rassgat á móti, enda vorum við mikið færri en þeir, og hefðum verið stappaðir, eins og svo skemmtilega má að orði komast. Öryggisvörðurinn var víst líka einhver félagi þeirra, þannig þetta var gjörsamlega lost case. En mig langaði nú ekki að gera neitt við þessa gaura, þó afskaplega pirrandi hafi verið. En þetta var rugl.

Við nenntum ekki að bíða eftir röðinni á Subway og fengum okkur bara pylsur í staðinn. Svo brunuðum við bara heim að sofa.

Þetta var frábær helgi í alla staði. En núna í næstu viku er ég í fríi frá 12. - 17. október, þar sem það er eitthvað hausthlé í skólanum. Hvað verður gert þá er góð spurning en ég er nú næstum alveg viss um það að ég á örugglega eftir að eyða svona milljón í bensín, þar sem ég er að fara að fá bílprófið núna á miðvikudaginn næsta! Hvað verður gert þá? Jú, auðvitað verður rúntað! Líka spurning hvort maður kíki í Reykjanesið?

En núna í dag sunnudag gerði ég ekki margt. Ég svaf bara til 8 um kvöldið og vaknaði þá. Fór fram og eldaði mér pizzu í ofninum og borðaði hana svo með bestu lyst. Svo fór ég til Jökuls og hjálpaði honum að lyfta fiskabúrinu hans. Þetta er fokking þungt helvíti! En það hafðist. Svo fórum við bara út í sjoppu og ég keypti mér 2L kók. Núna er hún tóm á borðinu mínu.

En ég átti helvíti skemmtilegt samtal við Helga í kvöld...

Helgi: vá ég verð að ríða næstu helgi
Helgi: ég er farinn að spá í að ríða þér bara til að springa ekki úr greddu
Ég: ríða mér? hahaha
Ég: rúnkaðu þér bara
Helgi: er að því
Ég: núna ?!
Helgi: jamm
Ég: oj hættu að tala við mig á meðan þú ert að því !!!
Helgi: neeee djók.... frekar sóðalegur gaur samt væri það alveg fyndið

Hahaha, hjartað mitt stoppaði í smá stund, en svo fór það að ganga eðlilega á ný. Fyndið grín.

En núna ætla ég bara að fara að gera ekki neitt. Segjum þetta ágætt í bili.

Lag dagsins:
Ofvirkni - Upphafið



Athugasemdir ():